Ini cerita pasal hampalam. Bahari orang babandang banyak mananam pohon hampalam di batas bandang termasuk di rumah mantuhaku di Sg baru parit Tok Hin kuala kurau. Ada hampalam talok,hampalam banyu dan hampalam putih.Hampalam talok buahnya kada ganal halus haja,tagal labat berungkoian. Hampalam banyu taganal saikit
Amun handak mamancuk hampalam anum tautama orang nang mangidam,hampalam banyulah yg paling nyaman dimakan. Asa kacar liur bila manyambat.
Hampalam putih mahal harganya.Ada orang bandang nang dapat baribu ringgit hingkat manukar motorsikal hanyar
Wayahini pohon hampalam hudah kadada lagi ditanam orang bandang,habis hudah matian pohonnya. Amon ada gin lagi,hudah kada babuah pasal takana tampiasan racun banih
Sasakali aku bulik ka kampung mantuha kadada lagi hampalam. Nang adapun hampalam bahulat. hanyar kawin berungkoi-rungkoi hampalan babuah dihiga rumah. Bah ramenya. Buah hampalam nang anum diricih-ricih diulah cacapan wan ikan kali babanam. gancang sungguh aku mamakannya sampai mambuntoi parut kakanyangan
Tiada ulasan:
Catat Ulasan